ធានាថាបុគ្គលដែលបង្កើត និងប្រតិបត្តិការស្ថានីយប្រេងឥន្ធនៈ ស្ថានីយឧស្ម័នឥន្ធនៈ និងស្ថានីយរួមប្រេងនិងឧស្ម័នឥន្ធនៈ នៅព្រះរាជាណាចក្រកម្ពុជា ស្របតាមបទដ្ឋានបច្ចេកទេសសុវត្ថិភាព ឲ្យមានសណ្តាប់ធ្នាប់របៀបរៀបរយ និងបរិស្ថានល្អ ដើម្បីកាត់បន្ថយនូវឧបទ្ទវហេតុនានា ដែលកើតមានឡើងជាយថាហេតុ។

ដើម្បីដំណើរការឯកសារស្នើសុំ និងចេញលិខិតអនុញ្ញាត ឬអាជ្ញាបណ្ណគឺអតិថិជនត្រូវ ៖
•    កម្រៃសេវាសាធារណៈ ៖ ត្រូវបង់ចំនួន ២ លានរៀល
•    រយៈពេលនៃការផ្តល់សេវា ៖ ៤៥ (សែសិបប្រាំថ្ងៃ) ថ្ងៃ នៃថ្ងៃធ្វើការ
•    សុពលភាព ៖ រយៈពេល២ឆ្នាំ
ម្ចាស់ស្ថានីយត្រូវមកដាក់ពាក្យស្នើសុំបន្តសុពលភាពក្នុងអំឡុងពេល៩០ (កៅសិបថ្ងៃ) មុនពេលផុតកំណត់នៅមន្ទីររាជធានី-ខេត្ត។

•    ពាក្យសុំដែលមានបិទរូបថត ៤ x ៦
•    ច្បាប់ថតចម្លងអត្តសញ្ញាណប័ណ្ណ ឬ លិខិតឆ្លងដែន
•    ច្បាប់ចម្លងលក្ខន្តិកៈ និង វិញ្ញាបនបត្រចុះបញ្ជីពាណិជ្ជកម្ម (ករណីនីតិបុគ្គល)
•    ផែនទីបង្ហាញទីតាំងស្ថានីយ ដែលត្រូវបង្កើត
•    ច្បាប់ចម្លងលិខិតអនុញ្ញាតសាងសង់ពីស្ថាប័នមានសមត្ថកិច្ច
•    រូបថតរបស់ម្ចាស់ស្ថានីយ ឬប្រធានក្រុមហ៊ុន ៤x៦ ចំនួន៣សន្លឹក
•    បង្កាន់ដៃកម្រៃសេវាសាធារណៈពិនិត្យពាក្យស្នើសុំ។

•    រាល់ពាក្យស្នើសុំទាំងអស់ត្រូវដាក់ពាក្យស្នើសុំនៅមន្ទីររ៉ែនិងថាមពលរាជធានី-ខេត្ត
•    មន្ទីររ៉ែនិងថាមពលរាជធានី-ខេត្ត ត្រូវបញ្ជូនសំណុំឯកសារស្នើសុំទាំងនេះឲ្យដល់ច្រកចេញ-ចូលតែមួយនៃក្រសួងរ៉ែនិងថាមពល ក្នុងរយៈពេល ៥ (ប្រាំ) ថ្ងៃ នៃថ្ងៃធ្វើការ បន្ទាប់ពីកាលបរិច្ឆេទទទួលពាក្យស្នើសុំនោះ
•    មន្ត្រីដែលទទួលពាក្យស្នើសុំនៅច្រកចេញ-ចូលតែមួយនៃក្រសួងរ៉ែនិងថាមពល ត្រូវធ្វើការពិនិត្យផ្ទៀងផ្ទាត់ភាពពេញលេញនៃពាក្យស្នើសុំនីមួយៗ រួមទាំងសំណុំឯកសារពាក់ព័ន្ធដែលភ្ជាប់មកជាមួយ
•    មន្ត្រីទទួលពាក្យត្រូវចេញសលាកបត្រទទួលពាក្យជូនអ្នកដាក់ពាក្យស្នើសុំតាមទម្រង់ បង្កាន់ដៃទទួល ករណីពេញលេញ
•    ពាក្យស្នើសុំនឹងត្រូវបញ្ជូនទៅខុទ្ទកាល័យឯកឧត្តមរដ្ឋមន្រ្តី
•    ក្រោយពីទទួលបានចំណាររបស់ឯកឧត្តរដ្ឋមន្រ្តី ពាក្យស្នើសុំនឹងត្រូវពិនិត្យបន្តដោយអគ្គនាយកដ្ឋានប្រេងកាត(នាយកដ្ឋានទទួលបន្ទុក)និងផ្តល់យោបល់ ក្នុងរយៈពេល ៣០ថ្ងៃ និង
•    បន្ទាប់មកថ្នាក់ដឹកនាំក្រសួងនិងរដ្ឋមន្ត្រីក្រសួងរ៉ែនិងថាមពលធ្វើការសម្រេច ក្នុងរយៈពេល ១០ថ្ងៃ។

រាល់ការបង់កម្រៃសេវាសាធារណៈ អតិថិជនមិនអាចដកយកកម្រៃនោះវិញឡើយ។