អាជ្ញាបណ្ណអាជីវកម្មធនធានរ៉ែក្នុងគោលបំណងអនុវត្តការងារស្វែងរុករក និងអាជីវកម្មរ៉ែ រ៉ែសំណង់ និងធនធានរ៉ែឧស្សាហកម្មណាមួយបម្រើឱ្យការសាងសង់ឧស្សាហកម្មគីមី ឧស្សាហកម្មកែច្នៃ ហើយជីកយកអណ្ដូងរ៉ែបើក ឬការដ្ឋានវាយថ្ម។

ដើម្បីដំណើរការឯកសារស្នើសុំផ្ទេរសិទ្ធអាជ្ញាបណ្ណអណ្ដូងរ៉ែបើក និងការដ្ឋានវាយថ្មសម្រាប់ខ្សាច់សំណង់ ក្រួស ឡាតេរីត ដីឥដ្ឋ អតិថិជនត្រូវ
1. បង់កម្រៃផ្ទេរសិទ្ធអាជ្ញាបណ្ណចំនួន ១០,០០០,០០០ រៀល
2. ក្រសួងរ៉ែនិងថាមពល ប្រើប្រាស់ពេលវេលា ៤៥ថ្ងៃ នៃថ្ងៃធ្វើការ សម្រាប់ដំណើរការផ្ដល់សេវា។
3. មានសុពលភាពទៅតាមសុពលភាពអាជ្ញាបណ្ណដែលស្នើសុំពន្យារបន្ត

តម្រូវការឯកសារដើម្បីទទួលបានសេវា
ឯកសារសម្រាប់ដាក់ពាក្យសុំផ្ទេរសិទ្ធអាជ្ញាបណ្ណអណ្ដូងរ៉ែបើក និងការដ្ឋានវាយថ្មសម្រាប់ខ្សាច់សំណង់ ក្រួស ឡាតេរីត ដីឥដ្ឋ រួមមាន៖
• ពាក្យស្នើសុំផ្ទេរសិទ្ធអាជ្ញាបណ្ណអណ្ដូងរ៉ែបើក និងការដ្ឋានវាយថ្មសម្រាប់ខ្សាច់សំណង់ ក្រួស ឡាតេរីត ដីឥដ្ឋ...១ច្បាប់
• ច្បាប់ចម្លងអាជ្ញាបណ្ណដែលនៅមានសុពលភាព...១ច្បាប់
• ច្បាប់ចម្លងអត្តសញ្ញាណបណ្ណបុគ្គលដែលទទួលសិទ្ធ...១ច្បាប់
• បណ្ណបង់កម្រៃផ្ទេរសិទ្ធអាជ្ញាបណ្ណ...១ច្បាប់

ក. ដំណើរការឯកសារ
1. សម្បទានិកត្រូវមកដាក់ពាក្យស្នើសុំផ្ទេរសិទ្ធអាជ្ញាបណ្ណនៅច្រកចេញចូលតែមួយរបស់ក្រសួងរ៉ែនិងថាមពល
2. ច្រកចេញចូលតែមួយបញ្ជូនសំណុំឯកសារជូនឯកឧត្តមរដ្ឋមន្រ្តី
3. ឯកឧត្តមរដ្ឋមន្រ្តីចាត់អគ្គនាយកដ្ឋានធនធានរ៉ែពិនិត្យសំណុំឯកសារ
4. អគ្គនាយកដ្ឋានធនធានរ៉ែចាត់នាយកដ្នានជំនាញត្រួតពិនិត្យឯកសារទៅតាមប្រភេទអាជ្ញាបណ្ណដែលអាជីវករស្នើសុំ
5. អង្គភាពជំនាញមានរយៈពេល ៤៥ថ្ងៃ នៃថ្ងៃធ្វើការ ដើម្បីដំណើរការនីតិវិធី ដើម្បីរៀបចំសំណុំឯកសារបញ្ជូនមកថ្នាក់ដឹកនាំទទួលបន្ទុកតាមឋានានុក្រម ដើម្បីផ្ដល់យោបល់ មុននឹងឈានដល់ ឯកឧត្តមរដ្ឋមន្រ្តីពិនិត្យ និងសម្រេចផ្ទេរសិទ្ធអាជ្ញាបណ្ណ
6. សម្បទានិកត្រូវមកបង់កម្រៃផ្ទេរសិទ្ធអាជ្ញាបណ្ណនៅការិយាល័យគ្រប់គ្រងចំណូលមិនមែនសារពើពន្ធធនធានរ៉ែ នៃអគ្គនាយកដ្ឋានធនធានរ៉ែ ក្រោយពីមានការសម្រេចផ្ទេរសិទ្ធអាជ្ញាបណ្ណ និងទៅយកវិញ្ញាបនបត្រផ្ទេរសិទ្ធអាជ្ញាបណ្ណពីនាយកដ្ឋានជំនាញបន្ទាប់ពីបានបង់កម្រៃផ្ទេរសិទ្ធអាជ្ញាបណ្ណ
ខ. ព័ត៌មាន
• ព័ត៌មានពាក់ព័ន្ធនឹងការផ្ដល់សេវាមានការបិទផ្សាយនៅក្រសួងរ៉ែនិងថាមពល និងតាមរយៈគេហទំព័ររបស់ក្រសួងរ៉ែនិងថាមពល www.mme.gov.kh
គ. ភាពឆ្លើយតប
• ផ្ដល់ព័ត៌មាន និងប្រឹក្សាយោបល់នៅច្រកចេញចូលតែមួយក្រសួងរ៉ែនិងថាមពល និងលេខាធិការដ្ឋាន នៃអគ្គនាយកដ្ឋានធនធានរ៉ែ ដោយមានតុ កៅអីសម្រាប់អង្គុយរង់ចាំ
• មានការសម្របសម្រួល និងអន្តរាគមន៍ក្នុងករណីដែលមានការអនុវត្តខុសនីតិវិធីដែលមានចែងក្នុងប្រកាសរបស់ក្រសួងរ៉ែនិងថាមពល

សម្បទានិកដែលទទួលសិទ្ធធ្វើអាជីវកម្មត្រូវទទួលបន្ទុកអនុវត្តកាតព្វកិច្ចហិរញ្ញវត្ថុទាំងអស់បន្តពីសម្បទានិកចាស់