ដើម្បីឱ្យគ្រឹះស្ថានសិក្សាឯកជន ដែលធ្វើការបណ្តុះបណ្តាលបច្ចេកទេស និងវិជ្ជាជីវៈ ទទួលបានភាពស្របច្បាប់

-តម្លៃសេវា = ៨ ០០០ ០០០រៀល
-រយៈពេលផ្តល់សេវា = ៦0ថ្ងៃ
-សុពលភាពនៃសេវា=៦ឆ្នាំ

ចុះបញ្ជិកាគ្រឹះស្ថានសិក្សា៖
1.ឯកសាររដ្ឋបាល
-ពាក្យស្នើសុំ (ដែលមានការទទួលស្គាល់ពីអាជ្ញាធរលំដាប់ថ្នាក់)
-រចនាសម្ព័ន្ធគ្រប់គ្រង
-ផែនការយុទ្ធសាស្រ្ត
-វិញ្ញាបនបត្របញ្ជាក់កម្មសិទ្ធិអគារ/កិច្ចសន្យាជួលអគារ (អគារតម្រូវឱ្យស្របតាមកម្រិតនៃការបណ្តុះបណ្តាល) ករណីផ្លាស់ប្តូរត្រូវជូនដំណឹងជាលាយលក្ខណ៍អក្សរត្រឹមត្រូវ
2.ផែនការសិក្សា កម្មវិធីសិក្សា និងវិធីសាស្រ្តបណ្តុះបណ្តាល
-ផែនការបណ្តុះបណ្តាល
-កម្មវិធីសិក្សាស្របតាមស្តង់ដាជាតិ
-វិធីសាស្រ្តបណ្តុះបណ្តាលផ្អែកលើសមត្ថភាព
3.ហេដ្ឋារចនាសម្ព័ន្ធរូបវ័ន្ត និងសម្ភារៈបរិក្ខារ
-ទំហំផៃ្ទដី អគារ រោងជាង បន្ទប់ពិសោធន៍ សាលប្រជុំ។ល។
-សម្ភារៈបរិក្ខាររោងជាង មន្ទីរពិសោធន៍
-សម្ភារៈឧបទេសបង្រៀន
-បណ្ណាល័យ (សៀវភៅ ឯកសារ)
4.គណៈគ្រប់គ្រង សាស្រ្តាចារ្យ និងបុគ្គលិក
-បញ្ជីរាយនាមអ្នកគ្រប់គ្រង សូមភ្ជាប់មកជាមួយនូវសញ្ញាបត្រ (បទពិសោធន៍ និងកិច្ចសន្យាការងារ)
-បញ្ជីរាយនាមឈ្មោះសាស្រ្តចារ្យ សូមភ្ជាប់មកជាមួយនូវសញ្ញាបត្រ (បទ-ពិសោធន៍ និងកិច្ចសន្យាការងារ)
-បញ្ជីរាយនាមឈ្មោះបុគ្គលិក សូមភ្ជាប់មកជាមួយនូវសញ្ញាបត្រ (បទ-ពិសោធន៍ និងកិច្ចសន្យាការងារ)
5.បទបញ្ជាផ្ទៃក្នុង
-កម្មវិធីនៃការប្រឡងឆមាស ប្រឡងបញ្ចប់ និងការវាយតម្លៃការបណ្តុះបណ្តាលក្នុងការដាក់ពិន្ទុ
-លក្ខខណ្ឌក្នុងការប្រឡងជ្រើសរើស ឬជ្រើសរើសឲ្យចូលរៀន៖
-បទបញ្ជាស្តីពីអវត្តមានក្នុងការសិក្សា
-បទបញ្ជាគ្រប់គ្រងសិស្ស និស្សិត និងបទបញ្ជាផេ្សងៗទៀត

កម្មវិធីអនឡាញ

1.កញ្ចប់ឯកសារនៃការចុះបញ្ជិកានេះអាចរកបាន ឬទាញយកបានពី៖
គេហទំព័រ htt://www.ntb.gov.kh/registration.html ឬនៅនាយកដ្ឋានគ្រប់គ្រងគ្រឹះស្ថានសិក្សានៃក្រសួងការងារ និងបណ្តុះបណ្តាលវិជ្ជាជីវៈ (សម្រាប់គ្រឹះស្ថានដែលបណ្តុះបណ្តាលវគ្គវែងចាប់ពី ០៣ខែឡើង ដល់កម្រិតឧត្តមសិក្សា ដើម្បីស្នើសុំការអនុញ្ញាតពីឯកឧត្តមរដ្ឋមន្រ្តី)។
2.ត្រូវបំពេញឯកសារ និងរៀបចំឯកសារតាមលក្ខខណ្ឌនៃការចុះបញ្ជិកា
3.ក្រោយបំពេញរួច ត្រូវយកសំណុំឯកសារនោះមកនាយកដ្ឋានជំនាញ (នាយក- ដ្ឋានគ្រប់គ្រងគ្រឹះស្ថានសិក្សាដើម្បីពិនិត្យ។
4.បន្ទាប់ពីឯកសារត្រូវបានពិនិត្យត្រឹមត្រូវតាមនីតិវិធី នាយកដែលស្នើសុំចុះបញ្ជិកាគ្រឹះស្ថានថ្មីត្រូវយកសំណុំឯកសារទាំងនោះ ឆ្លងអជ្ញាធរដែនដីរួមមាន៖ មេឃុំ/ចៅសង្កាត់ ប្រធានការិយាល័យការងារ និងបណ្តុះបណ្តាលវិជ្ជាជីវៈស្រុក/ខណ្ឌ អភិបាលស្រុក/ខណ្ឌ/ក្រុង ប្រធានមន្ទីរការងារ និងបណ្តុះបណ្តាលវិជ្ជាជីវៈរាជ-ធានី-ខេត្ត។
5.ត្រូវយកសំណុំឯកសារនៃការចុះបញ្ជិកាដែលបានបំពេញត្រឹមត្រូវតាមលក្ខណ្ឌខាងលើ មកក្រសួងការងារ និងបណ្តុះបណ្តាលវិជ្ជាជីវៈ។
6.ត្រូវបង់សេវាសាធារណៈជូនរដ្ឋ តាមកម្រិតដែលគ្រឹះស្ថានស្នើសុំ ដោយអនុលោមតាមប្រកាសអន្តរក្រសួងលេខ៧១៤ សហវ.ប្រក ស្តីពីសេវាសាធារណៈ ដោយក្រសួងការងារ និងបណ្តុះបណ្តាលវិជ្ជាជីវៈ។

បង្ហាញនីតិវិធី

គ្រប់គ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈទាំងអស់ ដែលមានកម្រិតបណ្តុះបណ្តាលរយៈពេលចាប់ពី ០៣ខែឡើង ត្រូវបំពេញសំណុំបែបបទចុះបញ្ជិកានៅក្រសួងការងារ និងបណ្តុះបណ្តាលវិជ្ជាជីវៈ (នាយកដ្ឋានគ្រប់គ្រងគ្រឹះស្ថានសិក្សា) តាមលក្ខខណ្ឌរបស់ក្រសួង ដើម្បីក្លាយជាគ្រឹះស្ថានសិក្សាស្របច្បាប់។