ធានាសន្តិសុខប្រាក់ចំណូល, រួមចំណែកកាត់បន្ថយភាពក្រីក្រ, លើកកម្ពស់ ស្ថិរភាពសង្គម ដោយផ្ដល់ជូនរបបសន្តិសុខសង្គមផ្នែកហានិភ័យការងារ,ផ្នែកថែទាំសុខភាព និងផ្នែកប្រាក់សោធន

១- កម្រៃសេវា៖ មិនគិតកម្រៃ
២- រយៈពេលផ្ដល់សេវា៖ ១៥ថ្ងៃ
-ផ្ដល់ “វិញ្ញាបនបត្របញ្ជិកា សហគ្រាស គ្រឹះស្ថាន”
៣- ផ្ដល់ “លេខអត្តសញ្ញាណ” និងចេញប័ណ្ណសមាជិក ប.ស.ស ជូនកម្មករ និយោជិត (ធ្វើភ្លាមរង់ចាំទទួលយកភ្លាម)
៤- សុពលភាពនៃសេវា៖ អចិន្ត្រៃយ៍

•ការចុះបញ្ជិកាសហគ្រាស គ្រឹះស្ថាន ត្រូវមានឯកសារដូចខាងក្រោម៖
-បញ្ជិកាពាណិជ្ជកម្ម
-ប័ណ្ណប៉ាតង់
-របាយការណ៍ប្រើប្រាស់កម្មករនិយោជិត
-អត្តសញ្ញាណប័ណ្ណ ឬលិខិតឆ្លងដែនរបស់និយោជក និងអ្នកតំណាង
•ការចុះបញ្ជីកម្មករនិយោជិត ត្រូវមានឯកសារដូចខាងក្រោម៖
-អត្តសញ្ញាណប័ណ្ណសញ្ជាតិខ្មែរច្បាប់ដើម (សម្រាប់កម្មករនិយោជិតខ្មែរ )
-លិខិតឆ្លងដែនច្បាប់ដើម (សម្រាប់កម្មករនិយោជិតបរទេស)

•ផ្នែកហានិភ័យការងារ
-ជនរងគ្រោះត្រូវទៅទទួលសេវាព្យាបាលនៅមន្ទីរពេទ្យរដ្ឋ ឬឯកជន ដែលបានចុះកិច្ចព្រមព្រៀងលើរបបសន្តិសុខសង្គមផ្នែកហានិភ័យការងារ
-ក្នុងករណីសង្គ្រោះបន្ទាន់ ជនរងគ្រោះអាចទៅទទួលសេវាព្យាបាលនៅមន្ទីរពេទ្យរដ្ឋ ឬឯកជន មិនមែនជាដៃគូ ប.ស.ស ដែលនៅជិតបំផុត
-ប.ស.ស នឹងទូទាត់សំណងលើចំណាយសម្រាប់ការព្យាបាលសង្គ្រោះបន្ទាន់ទៅឱ្យជនរងគ្រោះ ឬមន្ទីរពេទ្យដោយឈរលើមូលដ្ឋានគុណភាព និងតម្លៃរបស់មន្ទីរពេទ្យ ដែលមានកិច្ចព្រមព្រៀងជាមួយ ប.ស.ស
-ជនរងគ្រោះ ឬអ្នកតំណាង ឬម្ចាស់សហគ្រាស គ្រឹះស្ថាន ត្រូវជូនដំណឹងអំពីហានិភ័យការងារមក ប.ស.ស យ៉ាងយូរបំផុត ៤៨ម៉ោង នៃថ្ងៃធ្វើការ
-ជនរងគ្រោះទទួលបានប្រាក់បំណាច់ប្រចាំថ្ងៃសម្រាប់ការបាត់បង់សមត្ថភាពបណ្តោះអាសន្នស្មើនឹង ៧០% នៃប្រាក់ឈ្នួលមធ្យមប្រចាំថ្ងៃ និងអ្នកថែទាំជនរងគ្រោះទទួលបានប្រក់ ឧបត្ថម្ភស្មើនឹង ៥០% នៃប្រាក់បំណាច់ប្រចាំថ្ងៃរបស់ជនរងគ្រោះ ចាប់ពីថ្ងៃទីពីរ ក្នុងរយៈពេលសម្រាកព្យាបាល
-ទទួលបានប្រាក់វិភាជន៍សម្រាប់ការបាត់បង់សមត្ថភាពការងារ ជាអចិន្ត្រៃយ៍តិចជាង ២០%
-ទទួលបានប្រាក់ធនលាភសម្រាប់ការបាត់បង់សមត្ថភាពការងារចាប់ពី២០%ឡើងទៅ
-ប្រាក់វិភាជន៍បូជាសព
-ធនលាភឧត្តរជីវី
•ផ្នែកថែទាំសុខភាព
-សេវាព្យាបាល និងថែទាំវេជ្ជសាស្ត្រ
-សេវាបញ្ជូនអ្នកជំងឺ ឬជនរងគ្រោះ និងសព
-ប្រាក់បំណាច់ប្រចាំថ្ងៃ

និយោជក ឬម្ចាស់សហគ្រាស គ្រឹះស្ថាន ដែលនៅក្នុងដែនអនុវត្ត នៃច្បាប់ស្ដីពីរបបសន្តិសុខសង្គមសម្រាប់ជនទាំងឡាយដែលស្ថិតនៅក្រោម បទប្បញ្ញតិនៃច្បាប់ស្ដីពីការងារ ត្រូវមានកាតព្វកិច្ចចុះបញ្ជិកាសហគ្រាស គ្រឹះស្ថាន និងចុះបញ្ជិកាកម្មករនិយោជិត មកក្នុងបេឡាជាតិរបបសន្តិសុខសង្គម